Halldór Halldórsson

Killerinn maður...

Það var frábært þegar Íslendingar lögðu Frakka á HM. Næstum enn betra fannst mér þegar við lögðum Túnis í næsta leik og þá sérstaklega vegna ummæla Guðjóns Vals um leikinn; "Þetta var ótrúlegt. Við duttum í sama killerinn og á móti Frökkum og þegar killerinn kemur svona þá stöðvar mann voða fátt."

Það sama gerðist þegar Morfís-lið FB keppti á móti Verslunarskóla Íslands. Ég var að þjálfa liðið og vissi manna best að þau áttu ekki séns gegn þrautreyndu liði VÍ. En eftir smá viðkomu í auga tígursins, duttu þau í killerinn og unnu frækinn sigur á montnum verslingum. Mér leið eins og í einhverskonar Morfís-Sister Act 2.

Nú á þriðjudaginn keppti liðið undanúrslitaviðureign við Menntaskólann í Hamrahlíð. Þau áttu þannig séð engan séns, ég hafði samt tröllatrú á þeim. En allt kom fyrir ekki og þau duttu ekki í sama killerinn og á móti Frökkum/Versló. Þau bara stigu ekki í the eye of the tiger. Það er auðvitað ekkert hægt að biðja fólk um að stíga í augað eins og ekkert sé.

Bara bottomlænið er krakkar. Þið gerðuð ykkar besta og ég elska ykkur og Guðjón Valur myndi elska ykkur líka ef hann frétti af killernum.

Flokkur: Bloggar | 15.2.2007 | 19:00 | Facebook